Les Byggeindustrien digitalt
- Dette er eit stort anlegg med høg kvalitet som de kan sjå fram til å ta i bruk, sa administrerande direktør Nils Petter Vegsund då han saman med fjellordførar Eli Årdal Berland underteikna kontrakten onsdag føremiddag, zskriv kommunen på sine heimesider.
Fleirbrukshallen i Straume idrettspark er på 9200 kvadratmeter (BTA) og skal ha tre speleflater med arenaløysing. Hallen gjev plass til tre tusen tilskodarar og kan i tillegg til idrettsaktivitetar nyttast til ulike arrangement og messer. Kontraktsummen for totalentreprisen er på om lag 120 millionar kroner, og det første spadetaket vert teke like over nyttår. Etter planen står bygget klart til bruk i mai 2013.
God erfaring med idrettsanlegg
Lønnheim Entreprenør AS, som har fått totalentreprisen, har hovudkontor i Kristiansund og har god erfaring med større byggeoppdrag med vekt på idrettsbygg. Selskapet er det største i landet når det gjeld bygging av idretts- og kulturbygg.
- Det er ei tillitserklæring å få ein kontrakt som dette. Vi har bygd over 70 idretts- og kulturanlegg og konkurrerer lokalt og nasjonalt om slike bygg. I dette tilfellet har det vore ein svært profesjonell og ryddig anbodsprosess. Det er lagt opp til ei realistisk byggjetid med sluttføring innan utgangen av april 2013, seier Nils Petter Vegsund.
Tekst og foto: Vigleik Brekke