Helgesen Tekniske Bygg har signert kontrakt med Bremnes Fryseri i samband med oppføring av nytt kontor- og kjølebygg i Kvednavikjo i Bømlo kommune. Ill. Sindre Habbestad
AF Gruppen byggjer nytt kontor- og kjølebygg på Bømlo
Helgesen Tekniske Bygg, eit dotterselskap i AF Gruppen, har signert kontrakt med Bremnes Fryseri i samband med oppføring av nytt kontor- og kjølebygg i Kvednavikjo i Bømlo kommune.
Denne artikkelen er over tre år gammel.
Kontrakten er ein totalentreprise med ein verdi på om lag 120 millioner kroner eksklusive meirverdiavgift.
Bremnes Fryseri skal utvida kapasiteten med eit nytt tilbygg i tilknyting til eksisterande bygg, ved Bremnes Seashore sine fabrikkar og hovudkontor på Bømlo. Prosjektet består av fryseri, kjøl, lagerareal og eit nytt moderne kontorbygg i tre etasjar, skriv AF Gruppen i ei pressemelding.
Total bygningsmasse er på om lag 6.000 kvadratmeter.
Byggjearbeidet startar i andre kvartal 2022 med planlagt ferdiggjering i tredje kvartal 2023.
