Statoil vil ha gasskraftverk på Nordmøre
Statoil søker no konsesjon på bygging av eit fullverdig gasskraftverk på Tjeldbergodden i Aure. meldar NRK. Direktør for gass og energi i Statoil, Gunnar Mryvang tror et gasskraftverk på Tjeldbergodden kan stå klart i 2007.
Denne artikkelen er over ti år gammel.
Gasskraftverket blir eit stort anlegg til fleire milliardar kroner og det vil kunne produsere 800 til 850 Megawatt med straum. Direktør for gass og energiløysingar i Statoil, Gunnar Myrvang, stadfestar at dei kjem til å søke om konsesjon med det første. Fleire milliardar Selskapet vil investere fleire milliardar kroner i prosjektet men kan førebels ikkje seie kor mykje det vil koste. Dette er ein region i Noreg med eit stort kraftunderskot, og nokon må på eit eller anna tidspunkt gjere noko for å forsyne Midt-Noreg og Møre og Romsdal med meir kraft, seier direktør Myrvang. Myrvang seier at dersom Statoil får konsesjonssøknaden ferdig og det blir tatt ei avgjerd i løpet av 2005, vil kraftverket kunne stå ferdig og setjast i drift mot slutten av 2007. God tru på Tjeldbergodden Fleire stader i landet blir det arbeidd med planar om gasskraftverk, men ingen er så langt realiserte. Rådgivar i Istad-konsernet i Molde med gass som spesialområde, Ståle Nogva, har stor tru på planane som Statoil har på Tjeldbergodden.
