Les Byggeindustrien digitalt
NVE har ansvaret for den nasjonale flaumvarslingstenesta og har døgnkontinuerleg vernebuingstelefon for flaum- og skredsituasjonar. NVE varslar flaum eller stor flaum når vi ventar at vassføringa i vassdrag vil nå ein viss storleik eller at vass-standen i ein sjø vil overstige ein viss vass-stand.
Det er og viktig å forklare dei flaumhendingane som oppstår, slik at ein kan trekkje lærdom av desse til seinare høve.
Det er til no laga seks slike rapportar. Fire er i frå 2010, ein i frå 2009 og ein i frå 2008.
Det var flaum i Midt-Noreg i 2010 med gjentaksintervall på over ti år i både mai og juni. Rapporten fokuserer på situasjonen i juni, men nokre kommentarar om smelteflaumen i mai er teke med.
Flommen i Sør-Norge oktober 2010
Rapporten skildrar flaumen som ramma delar av Sør-Noreg i oktober 2010 då store deler av landsdelen opplevde ein flaum med opp mot 20 års gjentaksintervall.
Flommen i Nord-Norge mai 2010
Midt i mai blei Nord-Noreg ramma av ei uvanlig stor flaum. Sterk varme førte til stor snøsmelting, flaum i vassdrag og ei mengde skred i landsdelen.
Flommen på Sør- og Vestlandet november 2009
19. og 20. november 2009 gav regn flaum i vassdrag på Sør- og Vestlandet. I mange vassdrag hadde flaumen eit gjentaksintervall over 5 år, og i nokre vassdrag var gjentaksintervallet på flaumen over 10 år.
Flommen på Sør- og Østlandet våren 2008
500 meter over havet var det var meir snø enn normalt i april i Sør-Noreg. Mildvêr og regn i starten av mai gav flaum med gjentaksintervall på 5-20 år i ei rekkje vassdrag på Sør- og Austlandet.
Vidare i mai steig også vass-standen i fleire låglandsinnsjøar, i Sperillen i Drammensvassdraget blei det 20- årsflaum. I Mjøsa kulminerte vasstanden mot midten av juni på nivå mellom 5- og 10-årsflaum.
Flommen på Sør- og Østlandet januar 2008
16.- 17. januar 2008 gav regn og snøsmelting flaum i lågareliggande og kystnære vassdrag på Sør- og Austlandet. I fleire vassdrag hadde flaumen eit gjentaksintervall på omkring 20 år.
Les meir på www.nve.no