Østerrike tapte i Høgsterett

For meir enn åtte år sidan blei det oppdaga brudd på trådane i bærekablane som held Lysefjordbrua hengebru oppe. Statens vegvesen har heile tida meint at kabelprodusenten, det østerrikske firmaet Voest-Alpine Austria Draht, måtte haldast ansvarleg for skadene. Nå har Høgsterett sagt seg einig. Kort tid etter at Lysefjordbrua blei opna for trafikk, 18. desember 1997, blei dei første brudda på trådane i bærekablane oppdaga. Sidan har det stadig oppstått nye trådbrudd, slik at det totale talet på registrerte brudd nå har passert 1000. Dersom bruddutviklinga held fram, vil det bli nødvendig å forsterke brua om 25-30 år. I rettssystemet sidan 2004 Staten stevna den østerrikske kabelprodusenten Voest-Alpine Austria Draht for retten første gang i 2004. Kravet var å få dekka nødvendig forsterkning av brua, og dekning av utgifter til ekstra overvaking og kontroll. Tingretten kom til at trådbrudda hadde si årsak i produksjonsfeil som Voest-Alpine Austria Draht måtte haldast ansvarleg for, og staten blei tilkjent erstatning. Saka blei av motparten anka til lagmannsretten. Rettsaka blei holdt i mai 2006. Lagmannsretten opprettholdt tingretten sin dom. Ved begge rettsinstansar blei spørsmål om reklamasjon og forelding omhandla. Det blei slått fast at det var reklamert i tide, og at kravet ikkje var forelda. Voest-Alpine anka lagmannsretten sin dom til Høgsterett. Anka gjaldt reklamasjons- og foreldingsspørsmålet. Høgsterett behandla saka 7. mars i år. Dommen blei nyleg avsagt. Anken vann ikke fram, og lagmannsretten sin dom vil bli oppretthaldt. Penger til kontroll og forsterking Erstatningsbeløpet er på om lag 24 mill kroner. Ein del av beløpet skal dekke kostnader til ekstra overvaking og kontroll av kablane, mellom anna ved installasjon av eit akustisk overvakingssystem. Dette vil bli gjort i løpet av året. Hoveddelen av beløpet skal dekke forsterking av kablane, når talet på trådbrudd har blitt så stort at forsterking er nødvendig for å sikra hundre års levetid for brua. Brukerne av brua kan til einkvar tid vera heilt trygge på at bæreevnen er sikra med god margin Det er advokat Olav Bergsaker fra Advokatfirmaet Haavind Vislie AS, med støtte fra advokat Anne Cathrine Røed fra Advokatfirmaet Grette DA, som har ført saken fra staten si side.