Prosjektleiar, drift -og vedlikehald av tunnelar

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfrist09.06.2017

I Statens vegvesen Region vest, Vegseksjon Bergensområdet, har vi ledig stilling som prosjektleiar. Seksjonen løyser store og små investeringsprosjekt, samt drifter og vedlikeheld riks- og fylkesvegane i Bergen og 18 andre kommunar. Vi er i dag om lag 60 tilsette og har kontorstad i Bergen sentrum.

Arbeidsoppgåver

Stillinga som prosjektleiar for drift og vedlikehald av tunnelar i Bergensområdet inneber at du har det overordna ansvaret for entreprisekontraktane innan drift og vedlikehald av elektroinstallasjonar og generell tunneldrift i Bergensområdet. Vidare ansvar for å utarbeide og gjennomføra oppgraderingskontraktar på tunnelinstallasjonar.

Du har med deg åtte tilsette i ei faggruppe som du har ansvar for å styre og koordinere innan dette fagområdet. Prosjektleiar har budsjettansvar, men ikkje personalansvar. Stillinga inngår i den regionale byggherrepoolen.

Andre viktige oppgåver:

  • Overordna oppfølging av fagkontrakt tunnel i Bergensområdet og elektrokontrakt for Hordaland Vest, samt oppgraderingsarbeid i tunnelar.
  • Bistå tunnelforvaltar i Hordaland med å halda oversikt, tilstand på konstruksjon og elektroinstallasjonar i tunnelane
  • Planlegging / utarbeiding av konkurransegrunnlag ved oppgradering og andre mindre prosjekt
  • Prosjektleiar for mindre byggeprosjekt.

Kvalifikasjonskrav: Du har relevant utdanning frå universitet eller høgskule, minimum 3 år. Dersom du har sterk og allsidig praksis frå fagområdet eller etterutdanning, kan vi fråvike kravet om høgare utdanning.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Det er ønskeleg med allsidig erfaring innan drift og vedlikehald, og det vil vere ein fordel med erfaring frå veg og tunnelanlegg. God kjennskap til data som arbeidsverktøy og særskilt FDV program. Du må ha førarkort kl. B.

Vi vektlegg:

  • Evne til å kunne ta initiativ og jobbe sjølvstendig
  • Erfaring frå liknande arbeid og kjennskap til kontraktarbeid
  • Ryddig, strukturert skriftleg framstillingsevne
  • God samarbeidsevne og tverrfaglig interesse
  • Trivs med lagarbeid og kan skape gode resultat saman med andre.
  • At du aktivt er med å skape et trivelig og godt arbeidsmiljø

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

  • introduksjonsprogram og fadderordning
  • fleksitid og gode ordningar for å avspasere
  • pensjonsordning og høve til å få lån i Statens pensjonskasse
  • etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det. Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Arild Hegrenæs
tlf: +47 55516227
mob: +47 95088756

Søk her

Vis flere stillinger: