Auke i byggjekostnadene

Publisert 10.09.2013 11:30

Byggjekostnadene for bustader gjekk opp med 0,6 prosent frå juli til august i år. Arbeidskraftkostnadene steig med 1,5 prosent, mens materialkostnadene gjekk ned 0,1 prosent i den same perioden.

Lønsstatistikk for 2. kvartal 2013 er rekna med i byggjekostnadene for august, og er dermed hovudårsaka til kostnadsauken frå juli, melder SSB.

Frå august 2012 til august 2013 auka kostnadene for bygging av einebustader av tre og bustadblokker med respektive 2,9 og 3,2 prosent. Materialkostnadene for dei same bustadtypane steig høvesvis 1,9 og 1,8 prosent i den same perioden.