Forsvarsbygg: Sjette kontrakt på støytiltak
Kontrakt om støytiltak på støyømfintlege bygg utanfor Ørland flystasjon blei signert med den lokale bedrifta Fosenhus AS, tysdag 20. februar.
Denne artikkelen er over fem år gammel
- Vi er nøgd med å få alle gode krefter for utføring av støytiltak med på laget og no også dei lokale entreprenørane Fosenhus, seier eigedomssjef i Forsvarsbygg kampflybase, Carl Oscar Pedersen i ei pressemelding.
Fosenhus AS held til i Bjugn kommune og bedrifta har erfaring med støytiltak på hus i nabolaget til Ørland flystasjon frå tidlegare rundar for nokre år tilbake.
- Vi ser fram til å ta tak i oppgåva og å kome i gang, seier dagleg leiar, Håvard Sundseth.
Kontraktens størrelse er på cirka 30 millonar kroner og inneheld tiltak på til saman 111 hus. Planlagt oppstart er i februar/mars og utføring er venta å pågå til april neste år.
