NVE opprettar seksjon for miljøtilsyn

Publisert: 25.08.2005 17:45. Sist endret: 27.11.2013 19:53.

NVE har ansvar for å føre tilsyn med eigarar av energi- og vassdragsanlegg for å sikre at anlegga blir drivne innanfor krav i lover og konsesjonar. No skal tilsynet samordnast av ein ny seksjon i NVE.

Vi ønskjer å setje større fokus på rolla vår som tilsynsstyresmakt overfor eigarar av energi- og vassdragsanlegg. Opprettinga av den nye seksjonen viser at NVE ønskjer at arbeid med miljø og landskapstilpassingar skal ha høg prioritet ved alle slike anlegg, seier avdelingsdirektør Bjørn Wold Seksjonen er kalla Miljøtilsyn (KTM) og fagleg vil seksjonen liggje under konsesjons- og tilsynsavdelinga i NVE. Mange gamle kraftanlegg står framfor omfattande modernisering. Det gjeld både kraftstasjonar, vassvegar og dammar. Alle anleggseigarar skal ha eit internkontrollsystem som tar vare på miljøforhold. Ombyggingane fører ofte til nye inngrep og ligg derfor innanfor NVE sitt miljøtilsyn. Det blir KTM si oppgåve å samordne dette tilsynet. Miljøtilsynet omfattar blant anna: Godkjenning av detaljplanar ved nybygging og ombygging av gamle anlegg. NVE sitt tilsyn erstattar kommunane si byggjesaksbehandling. Oppfølging av internkontrollsystema til anleggseigarane. Hydrologiske pålegg. Desse dannar grunnlag for ei rekkje hydrologiske berekningar og vurderingar som blant anna flomvarsling, men omfattar også nødvendige målingar for å kunne følgje opp føresegner i konsesjonen.

Nøkkelord: