Arbeidet med brutårna starta på Dalsfjordsambandet

Publisert 13.12.2011 14:35

Første runde er ferdig på begge sider av fjorden, og brutårna har starta den knappe hundre meter lange klatreturen.

Arbeidet med fundamenta byrja i oktober, og denne veka vart første runde med brutårna avslutta. Det skal nyttast klatreforskaling i bygginga, og no startar den niognitti meter lange klatringa, melder vegvesen.no

Det skal støypast 24 etappar i kvart tårnbein, og planen er å støype andre seksjon før nyttår.

Bilfinger Berger har kontrakten på alt betongarbeidet, og dette arbeidet er venta avslutta tidleg haust 2012.

Heile prosjektet er venta å vere ferdig seint hausten 2013.