Produksjonen av investeringsvarer hadde ein vekst på 3,0 prosent. Dette hang saman med den positive utviklinga i verkstadnæringane og i bygging av skip og plattformer gjennom 2006. Elektroteknisk og optisk industri og transportmiddelindustrien hadde den sterkaste auken frå mai til juli i år. Det var ein nedgang i produksjonen av innsatsvarer på 0,8 prosent frå mai til juli i år samanlikna med månadene før. Norsk treforedlingsindustri og delar av metallindustrien hadde framleis ein nedgang, medan kjemiske råvarer hadde ein auke i produksjonen. Produksjonen av konsumvarer hadde ein vekst på 3,2 prosent frå mai til juli i år samanlikna med perioden før. Det var ein auke i nærings- og nytingsmiddelindustrien og i forlag og grafisk industri.
- Nøkkelord
- Import