Fylkesordførar Solveig Ege Tengesdal får æra av å opne vegen fredag klokka 12:00. Rundt opningstidspunktet kan vegen bli stengt i inntil eit kvarter.
Firefeltsvegen, bruene og miljøtunnelen er viktige element i hovudåra nordover frå Haugesund og vidare mot Sveio og Bergen.
- Dei største utfordringane har vore støypinga av bruene og miljøtunnelen. I tillegg har det vore krevjande å bygge ved Kvaladalselva og Dubberselva, for det er stilt strenge miljøkrav, fortel byggeleiar Geir Egil Mortveit i Statens vegvesen.
Risa AS har vore entreprenør på prosjektet.
Under budsjett
Prisanslaget for prosjektet var 278 millionar 2015-kroner. Det er det same som 291 millionar 2018-kroner.
- Sluttsummen ser ut til å bli i overkant av 280 millionar kroner. Det er vi godt nøgde med, seier Mortveit.
Dette er gjort
* Det er bygd 1340 meter firefeltsveg
* I alt 1960 meter sykkelveg med fortau
* 80 meter lang bru over Kvaladalselva
* Brua over Dubberselva er 42 meter
* Miljøtunnel er 142 meter lang
* To rundkøyringar
* Gangbruer over Dubberselva
* Omlegging og tilpassingar av lokale vegar, i alt 365 meter
* Det er bygd fire busslommar
* Rasteplass over miljøtunnel
* 480 meter med støyvollar og 150 meter med støyskjermar
* Vatn- og avløpssystem i samarbeid med Haugesund kommune
* Nye veglys
- Nøkkelord
- Anlegg
- Statens vegvesen