Byggjeleiar, Sunnhordland

Ved vegseksjon Nord, Midt,- og Sunnhordland har vi no ledig stilling som byggjeleiar med kontorstad Stord eller Bømlo.

Vegseksjon Nord, Midt,- og Sunnhordland har ansvar for bygging av nye prosjekt samt vedlikehald av eksisterande fylkesvegar og riksvegar i Nordhordland, Midthordland og Sunnhordland. Dei utlyste stillingane er knytt til bygging av nye vegprosjekt i Sunnhordland, det vil sei i kommunane Stord, Fitjar, Bømlo og Sveio.

Fortida er det stor byggeaktivitet i dette området. Den største aktiviteten er på Bømlo, der ein finansierer prosjekta med bompengar (Bømlopakken). Nærmare info om pakken på Facebooksida til prosjektet.

Elles har ein fleire prosjekt i Sunnhordland med ulik størrelse, der målet er å utbetre vegnettet med omsyn til trafikksikkerheit, styrke kollektivsatsinga og legge til rette for gåande og syklande.

Stillinga høyrer til den regionale byggherrepoolen, f.t. knytt til vegavdeling Hordaland.

Arbeidsoppgåver

Vi søkjer ein byggjeleiarar med god forståing for byggjeleiarrolla. Du vil få hovudansvar for teknisk og økonomisk gjennomføring av små og store vegprosjekt, og må derfor ha fagleg tyngde, samt kunne kommunisere og samarbeide godt med grunneigarar, konsulentar, entreprenørar og dei andre i prosjektet.

Hovudoppgåvene vil vere å:

• Leie arbeidet med utarbeiding av byggjeplan og tilbodsgrunnlag
• Gjennomføre konkurranse og val av entreprenør, inkl. utarbeiding av byggherreoverslag
• Leie, følgje opp og avslutte inngått kontrakt med entreprenør
• Sørgje for at både HMS, kvalitet, framdrift og kostnad har høg fokus i prosjekta. Til dette arbeidet vil du også få hjelp av kontrollingeniør og byggherrestøtte.

Kvalifikasjonar og bakgrunn

Til denne stillinga ønskjer vi at du har operativ erfaring frå både vegbygging og leiing av større eller mindre bygg og eller anleggsprosjekt, anten frå privat eller offentlig verksemd. Vi ønskjer og at du er ein person som trivast med å skape resultat saman med andre, er tydeleg, løysingsorientert og har stå-på-vilje.

God skriftleg og munnleg kommunikasjonsevne er viktig, samt generelt gode datakunnskapar. Førarkort kl. B er naudsynt.

Vi krev relevant utdanning frå universitet eller høgskule, minimum 3 år, innan bygg-/ arealplanlegging eller tilsvarande relevant fagretning. Med stort fokus på og krav til økonomistyring, kan ein tilleggsutdanning innan økonomi vere ein fordel i denne stillinga. Om du har sterk og allsidig praksis eller etterutdanning, kan vi fråvike kravet om høgare utdanning.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr òg desse goda:

• introduksjonsprogram og fadderordning
• fleksitid og gode ordningar for å avspasere
• pensjonsordning og høve til å få lån i Statens pensjonskasse
• etatsskolar og høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktpersonar:
Gunhild Vangsnes
tlf: +47 55516834
mob: +47 95088609

Søk her