Firma | Statens vegvesen Region vest |
Fylke | Rogaland |
Sted | Stavanger |
Søknadsfrist | 23.08.2015 |
Vil du vere med å leie Statens vegvesen i Rogaland?
I Statens vegvesen Region vest er det ledige stilling som seksjonsleiar i Vegavdeling Rogaland. Stillinga er lokalisert i Stavanger med ansvar for det geografiske området som omfattar kommunane i Rogaland sør for Boknafjorden og sør for Jøsenfjorden.
Vegavdeling Rogaland har ansvar for forvaltning, drift, vedlikehald og investeringstiltak på riks- og fylkesvegane i heile fylket og skal syte for, sams vegadministrasjon, av riks- og fylkesvegane i Rogaland. Årleg har avdelinga ein omsetnad på om lag 3 mrd.
Seksjon for drift- og vedlikehald veg Stavanger
Seksjonsleiar vil ha personalansvar for tilsette på seksjonen og resultatansvar for byggherreoppgåvene innan drift og vedlikehald som vert lagt til seksjonen. Seksjonen vil ha om lag 20-25 medarbeidarar, fordelt på to kontorstader, Stavanger og Egersund. Pr i dag er all drift av vegnettet innanfor seksjonens ansvarsområde delt i 3 driftskontraktar som er grunnlaget for entreprenørane sitt arbeid. I tillegg er det fleire mindre vedlikehaldsprosjekt som årleg vert gjennomført. Seksjonen har og ansvar for kontraktar innan asfalt, vegmerking, bru, kai og elektro, i tillegg til vegforvaltning.
Andre aktuelle oppgåver
- delta i avdelingsdirektøren si leiargruppe for heile Rogaland
- legge strategiar, utvikle leiings- og styringssystem og utøve arbeidsgjevarrolla
- resultatansvar og økonomiansvar for seksjonen sitt ansvarsområde
- personalansvar for tilsette innan aktuell eining
- profilere og marknadsføre etaten utad
All aktivitet innan byggherreområdet er prosjektorganisert og det vil difor vere ein viktig føresetnad for leiing og styring av seksjonen. Det er ønskeleg at seksjonsleiaren også bidrar inn i dei faglege oppgåvene som seksjonen har ansvar for. Kompetanse og erfaring frå drift- og vedlikehald vil vera ein fordel.
Kvalifikasjonskrav
Utdanning frå universitet eller høgskule, min. 3 år, innan relevant fagkrins. For kandidatar med spesielt sterk og allsidig praksis og gode personlege føresetnader for stillinga, kan kravet til utdanning fråvikast.
Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).
Dette ønskjer vi oss
Vi ser etter trygge leiarar som har evne til å leie dyktige fagfolk på ein tydeleg måte. Vi ønskjer at du skal finne balansen mellom operativt og strategisk arbeid, mellom fag og forvaltning og mellom arbeid og fritid – både for medarbeidarane dine og deg sjølv. I Statens vegvesen ønskjer vi å vere profesjonelle, framtidsretta og inkluderande.
Som leiar av seksjonen er det viktig at du
- har erfaring frå tilsvarande arbeid
- kan utvikle og inspirere, vere tydeleg og er ein god rollemodell
- kommuniserer og samhandlar godt, ser løysingar og kan vise handlekraft gjennom fagleg styrke
- har samfunnsinteresse og engasjement
- har omstillingsevne i forhold til organisasjon og samfunn
- er strukturert, initiativrik, sjølvstendig og lojal
Stort engasjement, mykje ansvar og fagleg utvikling
Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidskvardagar med god balanse mellom arbeid og fritid.
Vi kan tilby
- introduksjonsprogram og fadderordning
- eigne leiarutviklingsprogram
- fleksitid og gode ordningar for avspasering
- pensjonsordning og høve til å få lån i Statens pensjonskasse
- etatsskolar og gode høve for fagleg påfyll
Lønna blir avtalt nærare i samsvar med lønnspolitikken vår.
Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.
Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.
Stillinga føreset godkjend sikkerheitsklarering eller at slik kan gjevast, samt at du har førarkort klasse B.
Kontaktperson:
Astrid Eide
tlf: +47 51911735
mob: +47 90131516
Vis flere stillinger:
- Alle
- Søk etter Statens vegvesen Region vest, Stavanger
- Fylke Rogaland