– Klokka 17.00 i ettermiddag får vi gjennomslag i tunnelen i Gyadalen, seier byggeleiar Tor Oscar Walskaar i Statens vegvesen.
Arbeidet har gått raskt framover etter ferien.
– Kvaliteten på fjellet har vore svært god og vi har sprengt over hundre meter i veka den siste tida, fortel Walskaar.
Først om eitt år er rassikringsprosjektet i Gyadalen klar til opning. Framover er det mykje arbeid som skal gjerast i tunnelen. I tillegg skal det byggast nesten to kilometer veg utanom tunnelen.
– I samband med bygginga av vegen ute må vi sprenge bort ein del stein. I kveld stenger vi difor vegen frå klokka 20.00 og fram til klokka 06.00 i morgon tidleg, opplyser Tor Oscar Walskaar.