Mesta lavest på to ferjekaier

Fem entreprenørar vil byggje nye ferjekaier på Årvik og Koparnes i ferjesambandet fv.61 Årvik – Koparnes.

Tilboda varierer frå 32 millionar kroner til 37 millionar kroner. Dei fem entreprenørane som leverte tilbod er:

*Mesta Drift A/S kr 32 335 355,-

*Christie & Opsahl A/S kr 33 536 843,-

*Norwegian Contructions Kr. 36 470 210,-

*Secora A/S Kr 37 706 273

*BMO Entreprenører A/S Kr 37 421 804

Tilboda er eks. mva.

Prosjektleiar Ole Kr. Birkeland seier at tilboda skal kontrollreknast før ein avgjer kven som får oppdraget.

For å møte trafikkveksten i sambandet fv. 61 Årvik – Koparnes skal det setjast inn større ferjer og det er då naudsynt å heve standarden på begge ferjekaiane. Arbeidet tek til i januar 2013 og skal vere avslutta i august. Arbeidet som skal gjerast er:

• å byggje nye og større (9 x 18 m) ferjekaibruer på Årvik og Koparnes

• å forlengje tilleggskaia på Koparnes

• å mudre opp ferjekaibåsen på Årvik

• å byggje ny fendring på begge kaiene

Bygging av nye av ferjekaier vert gjennomført parallelt, noko som fører til at ferjesambandet fv.61 Årvik-Koparnes vil vere heilt stengd frå slutten av februar til midten av juni 2013. Trafikken vil då køyre fylkesveg 2 mellom Fiskå og Åram, langs Hakkalestranda.

Nye ruteplanar for sambandet fv.2 Larsnes – Åram, som vert trafikkert av to ferjer, vert annonsert seinare.