Høge prisar på kontinentet gir høg norsk krafteksport

Kaldare ver og liten vind har ført til ein monaleg auke i prisane på kontinentet. I Tyskland var gjennomsnittsprisen heile 729 kr/MWh i veke 47, og det er ein auke på 261 kr/MWh frå sist veke. Auka etterspørsel internt i Norden har ført til auka prisar også i Norden.

Auka etterspørsel og auka prisar var årsaka til at norsk kraftproduksjon auka med om lag 3250 GWh i veke 47. Dette gav den høgaste norske nettoeksporten registrert for ei enkelt veke sidan sommaren 2000. Den høge produksjonen førde til ein nedgang i den norske magasinfyllinga på 1,7 prosentpoeng. Ved utgangen av veke 47 var fyllingsgraden i norske magasin dermed 90,2 prosent. Magasinfyllinga er likevel 1,5 prosentpoeng over maksimalverdien til same tid, og 12,3 prosentpoeng høgare enn i fjor. I Sverige var fyllingsgraden 81,6 prosent ved utgangen av veke 47, etter ein nedgang på 1,5 prosentpoen