Firma | Norconsult |
Fylke | Vestland |
Sted | Voss |
Søknadsfrist | 08.11.2020 |
Norconsult AS har eit av dei største fagmiljøa i Noreg innan prosjekt- og byggjeleiing. For å dekkja den lokale etterspurnaden søkjer me etter ny medarbeidar.
Me er i dag åtte medarbeidarar på Voss innan faga akustikk, VVS, VA, arkitektur, plan og geoteknikk. Voss er ein del av eininga Hardanger og Voss med over 30 medarbeidarar på kontorplassane Odda, Eidfjord, Rosendal og Voss. Norconsult byr på varierte oppgåver som gjev gode høve for karriere i inn- og utland.
Arbeidsoppgåver:
- Kundekontakt og kundeoppfølging
- Oppdragsleiing
- Prosjektleiing
- Prosjektplanlegging
- Oppfølging på byggeplass
- Byggherrerådgjeving
For oss er det viktig at du:
- Har bachelorgrad eller høgare
- Har minst 5 års relevant erfaring
- Har interesse og engasjement for faget
- Har gode samarbeidsevner
- Har god evne til både skriftleg og munnleg framstilling på norsk
Hjå oss får du:
- Gode løns- og arbeidsvilkår
- Store faglege utfordringar der du kan utvikla deg gjennom spennande prosjekt saman med flinke kollegaer
- Aktivt fagnettverk med jamlege samlingar
- Godt arbeidsmiljø fundamentert på ein sterk bedriftskultur
- Fokusering på kompetanse- og personalutvikling
- Eigarskap i Norges største tverrfaglege rådgjevarbedrift
- Studieturar, ulike sosiale arrangement, firmahytter mm
På Voss kan du dyrka dine fritidsinteresser i blant anna to av Noreg sine største alpinanlegg eller i oppkøyrde langrennsløyper. Her kan du gå på fjellet, jakta, fiska eller driva med ekstremsport. Me har eit rikt kultur- og aktivitetstilbod med blant anna Vossajazz og Ekstremsportveko. Voss er ein god plass å bu med korte avstandar og mange gode og trygge møteplassar.
Innsending av søknad:
Ta gjerne uforpliktande kontakt med avdelingsleiar Frode Atterås tlf. 92 40 76 88. Søknad med CV, vitnemål og attester kan sendast via vårt elektroniske søknadsskjema på våre internettsider.
Vis flere stillinger:
- Alle
- Søk etter Norconsult, Voss
- Fylke Vestland