Oversiktsfoto med innteikna trasé for E136 Breivika-Lerstad. Foto: Statens vegvesen/Red Ant

Oversiktsfoto med innteikna trasé for E136 Breivika-Lerstad. Foto: Statens vegvesen/Red Ant

Lyser ut Lerstadtunnelen og Lerstadkrysset mot slutten av april

Statens vegvesen gjer no klart for bygging av den nye innfartsvegen til Ålesund, ny E136 Breivika-Lerstad.

Det skal totalt bygges 3,6 kilometer ny firefeltsveg som del av Bypakke Ålesund, og 2,6 kilometer av vegen skal gå gjennom doble tunnelar. Ved Lerstad i vest skal det byggast nytt toplanskryss, for å sikre god trafikkflyt opp mot den nye tunnelen.

Den kommande entreprisen Lerstadtunnelen og Lerstadkrysset skal etter planen lysast ut mot slutten av april.

– Arbeidet som skal lysast ut er ein utførelsesentreprise, og prosessen vert gjennomført som anskaffelse med prekvalifisering og forhandling. Det vil også bli orientert kort om dei andre kontraktane som etter kvart vil komme i Bypakke Ålesund, slik som firefelt vidare mot Nørvasundet og gang- og sykkelvegutbygging mellom Moa og Lerstad, skriv Statens vegvesen i ei pressemelding.

Statens vegvesen inviterer til marknadsmøte for den kommande entreprisen Lerstadtunnelen og Lerstadkrysset. Marknadsmøtet vil føregå digitalt på Teams.

Markering av oppstarten på E136 Breivika-Lerstad var i april i fjor, og det er no gjort ferdig førebuande arbeid på Lerstad. I Breivika pågår førebuande arbeid med forskjeringane til dei doble tunnelane, og dette arbeidet skal stå ferdig til sommeren. I tillegg skal det gjerast ferdig støyskjermar og murar ved Ålesund behandlingssenter Vestmo.