Noregs vassdrags- og energidirektorat (NVE) gjev Oppland Energi oreigningsløyve for den konsesjonsgjevne traseen frå Rosten kraftverk i Sel kommune til Vågåmo transformatorstasjon i Vågå kommune i Oppland.. Kraftleidningen er naudsynt for å frakte krafta frå Rosten kraftverk ut på nettet, skriver NVE i ei pressemelding tysdag.
Kongen i statsråd har gjeve Oppland Energi løyve til å byggje Rosten kraftverk. Kraftleidningen Rosten-Vågåmo skal overføre produksjonen frå dette kraftverket. Leidningen skal byggjast etter omsøkte traséalternativ 2 over Tordkampen. NVE vurderer at miljøverknadane av tiltaka er akseptable.
NVE krev at Oppland Energi skal utarbeide ein miljø-, transport- og anleggsplan som skal godkjennast av NVE før anleggsstart. NVE meiner at framlegging av ein god plan kan avgrense verknadane av bygginga av kraftleidningen.
Vågå kommune og Fylkesmannen i Oppland har fremja motsegn til søknaden. NVE sender motsegna til Olje- og energidepartementet for endeleg handsaming etter klagefristen.