Varmt vêr og lågt kraftforbruk

Publisert 12.06.2008 08:15

Det varme vêret ga fall i kraftforbruket i alle dei nordiske landa frå veke 22 til 23. Det norske kraftforbruket var 1917 GWh i veke 23. Det er det lågaste forbruket for ei veke sidan august i fjor, skriv NVE på sine heimesider.

 

Sør-Noreg medverka sumarvêret til fall i kraftprisane. Gjennomsnittleg kraftpris i Sør-Noreg var 10 øre/kWh i veke 23. Det er 2 øre lågare enn veka før. Det er framleis redusert eksportkapasitet ut av Sør-Noreg, og prisane i området er vesentleg lågare enn i dei andre nordiske elspotområda.

I veke 23 hadde Sør-Noreg lågast pris i Norden i alle timar. Prisane i dei to nordlegaste norske områda følgjer for tida prisane elles i Norden. I Midt- og Nord-Noreg var gjennomsnittsprisen høvesvis 48 og 47 øre/kWh i veke 23. Lågare svensk kjernekraftproduksjon og låg dansk vindkraftproduksjon medverka til prisauke i Sverige, Danmark, Finland og samstundes i Midt- og Nord-Noreg frå veke 22 til 23.

Varmt vêr medvirka til høg snøsmelting i veke 23. Tilsiget til dei norske vassmagasina var 9,1 TWh. Det er heile 50 prosent meir enn normalt. Høge tilsig ga vidare høg auke i fyllingsgraden i norske vassmagasin. På landsbasis auka magasinfyllinga med 8,2 prosentpoeng i løpet av veke 23, til 64,6 prosent. Auka var høgst i Midt-Noreg.