Firma | Statsbygg |
Fylke | Rogaland |
Sted | Stavanger |
Søknadsfrist | 24.08.2020 |
Statsbygg har ei ledig stilling som driftsleiar på sine eigedomar i Stavanger og omland. Stavanger fengsel vil vere primæreigedomen, men den tilsette vil jobbe tett opp mot driftspersonell på bl.a. Stavanger tinghus og andre kollegaer i teamet.
Den nye driftsleiaren vår ser det store biletet, utviklar og tek i buk praktiske løysingar. Han/ho motiverer både seg sjølv og teamet til samarbeid, samhandling og til å ta i bruk ny kunnskap. Den rette kandidaten forstår strategiane og prioriteringane verksemda har, og er flink til å tilpasse åtferd raskt og effektivt for å nå vedtekne mål. Bygningane våre er stadig under ombygging, noko som bidreg til ein variert arbeidskvardag og høve til å følgje prosjekt frå start til slutt. Statsbygg ønskjer fornøgde kundar som vil krevje god oppfølging både fagleg og når det gjeld miljø og service. Som eigar og utleigar ønskjer Statsbygg å ha eit godt og konstruktivt samarbeid med kundane våre. Difor er god kundebehandling viktig i alle ledd i organisasjonen.
Arbeidsoppgåver
- Utføre rasjonell drift og vedlikehald ved eigedomane
- Drift av tekniske anlegg ved hjelp av SD-anlegg
- Aktivt medverke til at Statsbygg når dei måla som er sette innanfor ulike satsingsområde, til dømes miljø, universell utforming, FDVU og enøk
- Oppfølging av ombyggings- og vedlikehaldsprosjekt
- Utarbeide og setje seg inn i statusoversikter og tilstandsanalysar for eigedomane, innanfor drift og vedlikehald
- Bestille og følgje opp eksterne leveransar i samsvar med forskrift om offentleg anskaffing
- Bidra til god kundebehandling og godt samarbeid mellom leigetakarar og Statsbygg
- Bidra med fagkunnskap overfor interne og eksterne aktørar på eigedomane
- Ta del i tverrfagleg samarbeid
- Andre oppgåver i team-området kan bli lagde til stillinga
Kvalifikasjonar
- Fagbrev innanfor elektro/ automatikk/ VVS eller byggdrift. Andre fagbrev vil kunne bli vurderte
- Teknisk fagskule er ønskjeleg, men ikkje eit krav
- Minimum fem års erfaring med moderne drift og forvaltning av eigedom, medrekna bruk av SD-anlegg
- Økonomisk og administrativ forståing
- Gode ferdigheiter og erfaring med dagleg bruk av IKT-baserte system og utstyr er nødvendig
- Før tilsetjing i stillinga må du kunne leggje fram uttømmande og utvida politiattest som kan godkjennast av Kriminalomsorga, jf. straffegjennomføringslova §8,1
- Gode kommunikasjonsevner på norsk, skriftleg og munnleg
- Førarkort klasse B
Personlege eigenskapar
- Oppteken av effektivitet og optimalisering
- Målretta, systematisk og løysingsorientert
- Sjølvstendig, engasjert og avgjerdslojal
- Evne til å skape gode relasjonar og samarbeid internt og eksternt
Vi tilbyr
- Hyggeleg arbeidsmiljø
- Eit sterkt og breitt internt fagmiljø
- Faglege og personlege utviklingsmoglegheiter
- Arbeidstøy og mobiltelefonordning
- Fleksibel arbeidstid og gode velferdsordningar, som til dømes støtteordning for trening
- Løn etter Statens lønnsregulativ frå kr 480 000,- til kr 550 000,- pr. år, avhengig av kvalifikasjonar. For spesielt godt kvalifiserte søkjarar kan ein vurdere høgare løn. Frå løna blir det trekt 2 % innskot til Statens pensjonskasse Gjennom Statens Pensjonskasse er det gode pensjons- og forsikringsordningar
Kontaktinformasjon
Roald Sjursæther
underdirektør
489 94 870