Det var kl. 17.00 mandag at Implenia sette i gang jobben med å støype dekket på den store portal-konstruksjonen på E39 Svegatjørn–Rådal. Arbeidet skjer i forlenginga av munningane til Råtunnelen ved rv. 580 Fritz C.Riebersveg.
Statens vegvesen reknar med at det går med kring 2.000 kubikk med betong, med ei totalvekt på 4.800 tonn. På førehand er det lagt ned kring 230 tonn armering i dekket. Betongbilane går i skytteltrafikk frå Laksevåg i Bergen. Leveransen er på kring 280 billass med betong.
Støypen vil pågå i minst 40 timar, ventar entreprenøren. Det vil seie at jobben er utført ein gong onsdag føremiddag, 31. oktober. Deretter ventar herding av betongen.