Landmålar

Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7300 engasjerte medarbeidarar med brei kompetanse fordelt på Vegdirektoratet og fem regionar.

FirmaStatens vegvesen Region vest
FylkeHordaland
StedBergen
Søknadsfrist07.02.2016

Vil du jobbe som landmålar? Då har vi stilling til deg.

I Statens vegvesen Region vest ved Eigedomsseksjonen har vi ledig stilling som landmålar med kontorstad i Bergen. Eigedomsseksjonen har ansvar for landmåling og grunnerverv i Statens vegvesen. Seksjonen har i underkant av 60 medarbeidarar og har kontorstad i Stavanger, Haugesund, Bergen og Leikanger. Om lag 20 medarbeidarar har landmåling som hovudoppgåve.

Arbeidsoppgåver:

Du som vert tilsett vil få utfordrande, varierande og sjølvstendige oppgåver innan landmåling. Hovudoppgåva i stillinga er eigedomsmåling og -forvaltning. Eigedomsmåling inneber også gjennomføring og styring av oppmålingsforretning etter matrikkellova. I tillegg vil det verta arbeid med å ivareta Statens vegvesen sine eigedomsinteresser i delingssaker og andre nabotilhøve.

Kvalifikasjonskrav:

Vi krev at du har utdanning frå universitet eller høgskule, minimum 3 år innan fagområdet. For søkjarar som har lang og relevant erfaring innan fagområdet, og som har gode personlege føresetnader for stillinga, kan kravet til utdanning fråvikast.

Det er ønskjeleg med erfaring innan landmåling, spesielt eigedomslandmåling, men vi vil også oppmoda nyutdanna til å søkja. Søkjar må ha førarkort for personbil.

Seksjonen har mykje kontakt med eksterne aktørar, og vi legg vekt på gode samarbeidsevner, sjølvstendig og systematisk arbeidsform og god skriftleg og munnleg kommunikasjonsevne.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT ( www.nokut.no).

Stort engasjement, mykje ansvar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar. Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

  • introduksjonsprogram og fadderordning
  • fleksitid og gode ordningar for avspasering
  • pensjonsordning og høve til å få lån i Statens pensjonskasse
  • etatsskolar og gode høve til fagleg påfyll

Lønna blir avtalt nærare i samsvar med lønnspolitikken vår.

Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Søk på stillinga her

Kontaktpersonar:
Øyvind Pedersen
tlf: +47 55516134
mob: +47 97093450

Vis flere stillinger: