Oppdraget er på 8,7 millionar kroner og omfattar rydding og tilbakeføring av landsskapet – i samråd med grunneigar. I området har det vore store flater for lager og kontor for entreprenørane under byggjeperioden for Hardangerbrua. Likeeins har det vore større fyllplassar for stein og jord i samband med tunneldriving og sprenging av forankringsanlegget til brua. Det skal likeeins byggjast ein ny gardsveg gjennom området, melder vegvesen.no.
Distriktsjef Lars Kristian Eidnes i Mesta reknar med at ein er etablert med kontor og maskiner i området i løpet av februar. Fristen for oppdraget er i juni 2014.
Prosjektleiar Bente Johnsen Aase i Statens vegvesen vonar på eit godt samarbeid med entreprenøren, og legg særleg vekt på at ein legg vekt på HMS-omsyn under masseflyttinga og ryddejobben fram mot sommaren.
- Nøkkelord
- Mesta
- Anlegg
- Statens vegvesen