Lågare konkurstal i mai

Publisert 01.06.2015 09:06

I mai var konkurstala 13,7 prosent lågare enn i mai i fjor. Hittil i år ligg konkurstala 4,9 prosent lågare enn i den same perioden i fjor.

Byggeindustrien

I mai blei det i alt registrert 459 konkursar og tvangsavviklingar i heile landet, mot 532 i mai 2014. Dette er ein nedgang på 13,7 prosent.

Størst nedgang i mai hadde Troms, med 64,3 prosent. Vestfold hadde ein nedgang på 60,0 prosent. Både Sogn og Fjordane og Hedmark hadde ein nedgang på 50,0 prosent.

I løpet av årets fyrste fem månader blei det registrert 2 320 konkursar og tvangsavviklingar i Noreg, mot 2 440 i det same tidsrommet i fjor, ein nedgang på 4,9 prosent. Blant fylka hadde Hedmark den største nedgangen, med 30,5 prosent.