Les Byggeindustrien digitalt
Bermynte
Bergmynte (oregano, kung) er eit framifrå brødkrydder og kan brukast til meir enn pizza. Ein kan smaksette både fine og grove rundstykke eller kuvertbrød og slik gje maten ein smak av norske urter.
Ramsløk
Eller kva med snurrar med ramsløkpesto og edamerost? Her kan ein nytta ei god rundstykkeoppskrift. Kjevle ut deigen, smør på pesto og legg eventuelt på skinkeskiver. Ramsløk smakar som kvitløk, så ein får vurdera litt kor mykje ein vil ha på. Dryss over riven ost og rull saman til ein fast rull. Skjer i skiver og ha litt ost på toppen. Eigentleg kan ein bruke kva som helst slags kvitost, men det er vel edamer som er juleosten.
Kvann
Kandisert kvann er fin å nytta som smaktilsetjing i kaker. Det er kanskje vanlegare nedover i Europa med angelica som den vert kalla, både som ingrediens og kakepynt. Men no er det i allfall ein produsent i Noreg som har kandisert kvann for sal. Ein kan bytta ut sukat i fruktkaker med kandisert kvann. Julemuffins med kvann og tyttebær har ein spanande smakskombinasjon.
Monarda og kornblomst
Så kan ein pynta kakene med tørka blomar, til dømes rød monarda. Eller kanskje blå kornblomst i desse Blåfjelltider?
Hjortepålegg med urter
Til høgtider som jul lagar eg pålegg av hjort ved å trekka kjøtet ved 70-80 „aC ein time eller meir. Dette kjem ann på storleiken på kjøttstykket. Det er ikkje nødvendig å bruka dei finaste stykka på dyret til dette. I kokevatnet brukar eg å ha einerbær og pepar, gerne saman med andre krydder og urter. Når kjøtet har trekt lenge nok, tek eg det opp på eit fat og sausar det inn med rikeleg grovt salt og urter.
I området der vi jaktar i Indre Sogn veks det rikeleg med einerbær, karve og bergmynte, Denne blandinga saman med raud og svart pepar er min favoritt. Elles er viltblandinga til Økourt eit godt alternativ. Mange bedrifter har laga sine eigne viltblandingar og alle desse kan vera aktuelle.
Når kjøtet er gnidd inn med krydder og salt, legg eg eit lett press på. Brukar av og til syltepressa, men det går like bra med eit fat med ei vassflaske oppå. Kjøtet er ferdig når det har stått i kjøleskapet over natta. Sidan kjøtet er magert kan ein gjerne bruka det saman med rømme eller liknade.
Gunhild Børtnes, Ruth Mordal