Les Byggeindustrien digitalt
Totalt vart det opna 3 814 konkursar i fjor. Det er 12,4 prosent, eller 541 færre konkursar enn i 2011. Den største nedgangen i prosentvise tal finn vi i Hedmark, med 37 prosent færre konkursar. I Akershus var nedgangen i absolutte tal størst, med 135 færre konkursar, melder SSB.
Sju av ti konkursar, i alt 2 763, var føretakskonkursar eksklusive einskildpersonføretak. Det var 13 prosent færre føretakskonkursar i fjor enn i 2011. Snautt kvart tredje føretak var innanfor varehandel og reparasjon av motorvogner, med totalt 761 konkursopningar.
Dei resterande 1 051 konkursane omfattar einskildpersonføretak og personlege konkursar. Her gjekk talet ned med 11 prosent. Eit av tre einskildpersonføretak som gjekk konkurs i 2012, dreiv innanfor byggje- og anleggsverksemd.
I 4. kvartal i fjor vart det vart opna 999 konkursar. Det er 7,8 prosent færre enn i den same perioden året før.