Tirsdag opnar Solasplitten

Publisert 18.12.2012 07:45

I dag kan bilistar ta i bruk den nye vegen mellom E39 i Stavanger og Sømmevågen i Sola. Statssekretær Geir Pollestad (Sp) skal klyppe snora som markerar opninga av den fire kilometer lange Solasplitten.

Åttande september 2010 tok tidlegare ordførar i Sola, Håkon Rege (H) første spadestikk for Solasplitten. Litt over to år seinare er vegen klar til å bli tatt i bruk.

Opninga skal skje ved Araberget bru, i vestenden av den nye vegen.

Solasplitten skal avlaste dagens rv. 510 Nesbuvegen og lage ein god forbindelse mellom E39 og Stavanger lufthavn/Risavika. Solasplitten er 4.050 meter lang, og det er bygt sju bruer, to tunnelar for bilar, ein for syklistar og gåande og ein kulvert for gamle Joakanalen der det er lagt til rette for at amfibiar kan krysse under vegen. Bruene har ei samla lengd på 250 meter. Åsnuttunnelen er 318 meter.

Risa AS har vore hovudentreprenør. Skanska Norge, underentreprenør for Risa, har bygt tunnelen og utført alt betongarbeid. Totalkostnad for prosjektet er 620 millionar kroner (prisjustert 2012-kroner).

Les Byggeindustriens presentasjon av prosjektet her