Nei til Skjerungsåa kraftverk

Skjerungsåa kraftverk var planlagt med ein installert effekt på 1,7 MW og ein årleg produksjon på om lag 6,5 GWh, noko som tilsvarar straumbruken til om lag 325 husstandar, skriv NVE i ei pressemelding.

Grunngjevinga for avslaget er at redusert vassføring og legging av rørgate i eit særleg krevjande terreng vil medføre negative konsekvensar for biologiske verdiar i og langs Skjerungsåa og gje betydelige terrenginngrep i landskapet.

Dei negative konsekvensane står etter NVE sitt syn ikkje i forhold til auka kraftproduksjon eller andre positive effektar av ei utbygging. NVE meiner at dei negative konsekvensane av ei utbygging ikkje kan avbøtast med avbøtande tiltak. NVE vurderar at ei utbygging av vassdraget ikkje er akseptabel i høve til ålmenne interesser og gjev difor ikkje løyve til Skjerungsåa kraftverk.