For at vi skal skjøne omfanget gir prosjektleiaren eit bilete på det heile.
- Tenk deg ein steinhaug som har like stor diameter som Lille Lungegårdsvannet i Bergen sentrum, og med ein høgde lik to rådhus som i Bergen, seier prosjektleiar Arne Eltvik på nye E39 mellom Svegatjørn og Rådal til vegvesen.no.
Prosjektgruppa meiner dei har kontroll på dei fleste planane som skal til for å setje i gong bygginga i 2013. Deponering av steinmassane er blitt ein hard nøtt for prosjektleiaren. Det var meininga at stein skulle køyrast til Flesland for å fylle ut der, men no har Avinor sagt at dei ikkje har plass. Løysninga på steinen må nemleg vere i boks før dei kan sende prosjektstyringsplanen til ekstern kvalitetssikring (KS2) i sommar.
- For å halde målsetjinga om å opna vegen i 2018, så må vi få sendt dette som planlagt. Stortinget må nemleg gje sin tilslutning til planane våren 2013, seier Eltvik.
Dumpe i sjøen?
På prosjektkontoret er fleire i arbeid med å finne eit egna sted for all steinen.
- Kan hende vi kjem til å lagre ein større del av steinen i Endelausmarka enn det som var planlagt, men det blir eit stort overskot att som vi tek på alvor. Ein siste utveg blir truleg å søke om løyve til å dumpe steinen i sjøen, men dette er ikkje ønskeleg for vi ser på steinen som ein ressurs. Vi har aktuelle aktørar i sikte når vi er i gong med sprenginga, men vi må ha et sikkert alternativ for å få prosjektet vedtatt, seier Eltvik
- Nøkkelord
- Statens vegvesen
- Anlegg