Ein mild haust har ført til god framdrift for entreprenøren på anlegget. Byggjestarten var 1. november 2011 og entreprenør Lars Kveen AS har jobba uhindra av tele i jorda, melder vegvesen.no.
Snøen kom til etter kvart, men enno har kuldegradene ikkje sett seg i bakken og framdrifta er uhindra av tele. Nokre utfordringar har det likevel vore sidan grunnforholda på strekninga er dårlege.
- Dette har ført til at me må leggje ein god del meir sprengstein i fylling for å få ein god nok kvalitet på underlaget, fortel prosjektleiar Per Kristian Sønsthagen.
- Me håpar å få lagt trafikken over på det som blir ny veg så fort som råd. Dette vil hjelpe på trafikkavviklinga på strekninga. Omlegginga av straum- og telekablar er ferdig utført på denne strekninga som me no jobbar på, avsluttar prosjektleiaren.
Anleggsperioden er forventa avslutta hausten 2012.
- Nøkkelord
- Statens vegvesen
- Anlegg