Les Byggeindustrien digitalt
Under ein inspeksjon av Eras Metal AS i februar 2009 avdekte Klima- og forureiningsdirektoratet (Klif, den gongen SFT) ulovleg høge utslepp av kvikksølv. Dei høge utsleppa hadde gått føre seg i lang tid utan at verksemda hadde informert Klif om tilhøva.
Dette sjølv om Klif ved fleire høve hadde bedt verksemda rapportere kvikksølvutsleppa sine. Vi slo fast at dette var grove brot på utsleppsløyvet og meldte verksemda til politiet. Eras Metal måtte stanse dei ulovlege utsleppa direkte inntil dei fekk installert eit reinseanlegg.
Fengsel utan vilkår
Saka blei etterforska av Høyanger lensmannskontor. Statsadvokaten ila i fjor Eras Metal 1,5 millionar kroner i bot for utsleppet. Verksemda, som er eit heileigd dotterselskap av ScanArc ASA, vedtok bota.
I tillegg blei tidlegare dagleg leiar og tidlegare styreleiar i Eras Metal tiltalt for alvorlege brot på forureiningslova. Fjordane tingrett har nå dømt tidlegare dagleg leiar til 21 dagars fengsel utan vilkår og tidlegare styreleiar til 30 dagars fengsel utan vilkår.
Klif er tilfreds med at politiet følgjer opp meldingane våre med straffereaksjonar. Dette hjelper til å førebyggje miljøkriminalitet, skriv Kluif på sine heimesider.