Les Byggeindustrien digitalt
Under tilbodsopninga fredag 27. mai kl.13.00 skilde det om lag 153 mill.kr. mellom det høgaste og lågaste tilbodet.
Mesta Entreprenør AS var lågast med 413,3 mill. kr. Nærast var Hæhre Entreprenør med 433,2 mill.kr.
– Det lågaste tilbodet ligg litt under forventa pris, seier prosjektleiar Oddvin Ylvisaker.
No skal tilboda evaluerast og kontrollreknast før ein tek ei endeleg avgjerd.
– Kontrakten med entreprenøren blir underskrive i løpet av sommaren. Anleggsarbeidet vil starte i august, seier Ylvisaker.
Prosjektet inkluderer bygging av ca. 7 kilometer veg i dagen og vel 4 kilometer med tunnel. Det omfattar også sidevegar, gang/sykkelveg og to bruer.
E16 mellom Smedalsosen og Borlaug skal etter planen stå ferdig sommaren 2014.