- Det er viktig å ha tilgang på gode eksempel, slik at aktørane i bustad- og byggjesektoren kan lære og bli inspirerte av andre sine erfaringar innan berekraftig arkitektur, tilgjenge og universell utforming, seier kommunal- og regionalminister Liv Signe Navarsete.
Prosjekta i Ecobox er kategoriserte etter miljøtema som samsvarar godt med satsingsområda i miljøhandlingsplanen ”Bygg for framtida”. Reduserte klimagassutslepp, redusert bruk av energi i bygg, minimert bruk av helse- og miljøfarlege stoff, godt inneklima og redusert avfall er tema i databasen. Det same gjeld miljøvennleg rehabilitering av eksisterande bygg, universell utforming og miljøvennleg byutvikling.
Prosjektdatabasen har tidlegare i år motteke 200 000 kroner frå departementet. Støtta frå Kommunal- og regionaldepartementet er dermed totalt 500 000 kroner i 2010.