Fylkesutvalet seier ja til Jondalstunnelen

Fylkesutvaleti Hordaland legg stor vekt på å få realisert Jondalstunnelen og vil be om at fylkesrådmannen, i samråd med initiativtakarane, seinast til fylkestinget i juni legg fram forslag til fullfinansiering av prosjektet.

I innstillinga si til fylkestinget, som skal handsama saka 8.-9. juni i Ulvik, seier eit samrøystes fylkesutval at Jondalstunnelen har førsteprioritet som fylkesvegprosjekt i Hordaland og kan no finansierast innanfor den statlege overgangsordninga for større fylkesvegprosjekt. Fylkesutvalet har merka seg det mogelege finansieringsopplegget som ligg i fylkesrådmannens saksframstilling. Fylkesutvalet har vidare merka seg industriverksemdene i Hardanger si uttale om eventuell garanti for ei delfinansiering av prosjektet basert på bruk av årlege kompensasjonsmidlar knytt til endring i arbeidsgjevaravgifta. Fylkesutvalet legg stor vekt på å få realisert Jondalstunnelen og vil be om at fylkesrådmannen, i samråd med initiativtakarane, med utgangspunkt i finansieringsskissa i saka, seinast til fylkestinget i juni legg fram forslag til fullfinansiering av prosjektet basert på mellom anna følgjande føresetnader: Tidlegare fylkestingsvedtak Statleg eingongsløyving etter overgangsordninga for fylkesvegprosjekt Årlege kompensasjonsmidlar for auke i arbeidsgjevaravgifta, inklusive garanti frå verksemdene Konsesjonskraftmidlar etter modell 1; med løyving til utviklingsprosjekt (jf. tabell i saksframstillinga) Kommunale tilskot, til saman 55 mill. Tunnelprofil etter T8. Kommunetilskota Fylkesutvalet seier i si tilråding at finansieringsplanen byggjer på eit samla, reelt tilskot frå kommunane på til saman 55 mill. kr. Når det gjeld spørsmåla som er reist i høve til dei kommunale vedtaka, vert det føresett at nødvendige avklaringar vert gjort til fylkestinget i juni. Fylkesutvalet får om nødvendig fullmakt til å gjera endeleg vedtak. Fylkesutvalet legg til grunn at Jondalstunnelen ikkje skal føra til endringar i prioritering av midlar til riksvegar/stamvegar. Finansieringsskissa Finansieringsskissa det vert vist til, tek utgangspunkt i ein prosjektkostnad på 495 mill. kr. Finansieringa er skissert slik: Statstilskot 49 mill. kr, kommunale tilskot 52 mill. kr, bompengeinntekter 109 mill. kr, fylkeskommunal løyving 2005-2009 med 67 mill. kr, kompensasjonsmidlar arbeidsgjevaravgift (2004) 19 mill. kr, driftsmidlar frå fylkeskommunen (konsesjonskraftmidlar) 19 mill. kr og konsesjonskraftmidlar 2007-16 med i alt 180 mill. kr. Finansiell risiko Det samla opplegget for finansiering av Jondalstunnelen er så risikofylt at fylkesrådmannen ikkje kan tilrå opplegget gjennomført, heitte det i saksutgreiinga. Etter fylkesrådmannen si vurdering vil eit så stort fylkesvegprosjekt i seg sjølv innebere ein finansiell risiko. Det viktigaste er likevel at fylkeskommunen må låne større beløp og tidlegare enn planlagt og lagt til grunn i økonomiplanen. Slik fylkesrådmannen vurderer det vil dette auke presset i fylkesøkonomien jamvel om ein heilt avviklar ordninga med utviklingsprosjekt frå 2007 og nyttar heile konsesjonskraftinntekta (30%) til Jondalstunnelen. Konsesjonskraftinntektene er ikkje sikre og heller ikkje kompensasjonsmidlane for bortfall av differensiert arbeidsgiveravgift er sikre etter 2004. Om fleire av desse finansieringselementa sviktar samstundes, kan konsekvensane for fylkeskommunen sine lovpålagde oppgåver bli store. Fylkesrådmannen viser til atHordaland fylkeskommune er under økonomisk kontroll av departementet, og det er langt frå opplagt at eit stort låneopptak for Jondalstunnelen vil bli godkjent. Med Jondalstunnelen som fylkesvegprosjekt er det fylkeskommunen sitt ansvar om finansierings-opplegget sviktar eller om kostnadene for prosjektet aukar ut over det vi no trur. Det vil i mindre grad kunne påreknast auke i bompengeinntekene for å dekke svikt i andre deler av finansieringsopplegget, påpeikar fylkesrådmannen. Redusert tverrsnitt i tunnelen Fylkesutvalet tilrår å redusera tverrsnittet i tunnelen frå profil T8,5 til T8. Det er same tverrsnitt som for Folgefonntunnelen. Oversendingsforslag Følgjande forslag frå Bjørn Lothe (SV) vart oversendt fylkesrådmannen utan realitetshandsaming: «Dei store entreprenørselskapa som Mesta, NCC osv. må kallast inn til rådslaging/møte, for å undersøkja om dei kan byggja tunnelen rimelegare enn det offisielle kostnadsoverslaget.»