Startar bygging av ny Orre bru

– Vi skal bygge ei heilt ny bru, for den gamle brua er i svært dårleg forfatning, seier Dag Fanebust, byggeleiar i Statens vegvesen.

– Det er både sviktande grunn og dårleg armering på dagens Orre bru som er bygd i 1952. Det er billegare å bygge ny enn å rehabilitere brua, seier Fanebust.

Den gamle brua blir fjerna, noko som gjer at køyretøy ikkje kan passera Orre bru i byggeperioden.

– Det blir likevel laga ei løysing for at fotgjengarar og syklistar skal kunne passere, og ein midlertidig gang- og sykkelveg blir skilta, seier Fanebust.

I samband med bygging av ny bru blir det lagt til rette for ei framtidig bygging av gang- og sykkelveg over brua.

Omkøyring gjennom fv. 510 på Klepp og på fv. 44.

Entreprenøren som skal bygge ny Orre bru er Mesta AS.