I gong i Stigedalen

Statens vegvesen er i gong med utbetringa av E39 gjennom Stigedalen. Første salve på Stigedalsprosjektet gjekk sist veke. Dermed er vegvesenet i gong med å utbetre den smale og svingete vegen allereie før årsskiftet, sjølv om løyvingane over statsbudsjettet er gitt for åra 2002 til 2004, melder Sunnmørsposten. Første strekning som vert utbetra er den 1,5 km lange parsellen mellom Osen og Almflovatnet. Deretter går Vegvesenet laus på oppgåva med å utvide den 2,7 km lange strekninga mellom Korsen og Osen. Arbeidet på denne strekninga er planlagt starta våren 2002. Deretter følgjer den 1,4 km lange strekninga mellom Almflovatnet og Møre og Romsdal grense, før den 3,1 km lange parsellen mellom Hjelle og Korsen set punktum for utbetringsarbeidet.