H.M. Kong Harald opnar rv. 5 Støylsnestunnelen

Publisert 26.10.2009 21:37

 

Måndag 2. november inviterar Statens vegvesen til vegfest i Kjøsnesfjorden. – Det er lagt opp til eit variert program og vi håpar mange blir med og markerar at ei svært rasutsett strekning er eliminert vekk, seier prosjektleiar Odd Erik Haugen.

Statens vegvesen har sidan slutten av august 2007 hatt anleggsdrift innerst i Kjøsnesfjorden på rv. 5 mellom Fjærland og Skei i Sogn og Fjordane. Rassikringsprosjektet vil eliminera fleire rasløp som har ført til stengingar og ulukker. Den 2,7 km lange Støylsnestunnelen vil saman med 5 rasvollar av ulik storleik føre til at vegstrekningen vert tryggare for trafikantane.

Variert program

H.M. Kong Harald kjem og vil utføre den offisielle opninga. Finn Tokvam skal vere programvert og Olav Stedje vert med og underheld på opningsfesten. I tillegg vert det mange lokale innslag. Jølster kulturskule, Jølster musikklag, det lokale Skeivasskoret og Synnøve Bjørset er nokre av dei som vil vere med å bidra til ein minneverdig vegfest.

– I tillegg til eit variert program, vil born frå barnehagar og skular vere med å setje preg på markeringa, avsluttar Haugen.

Vegopninga vert på Lundevassenden ved inngangen til den nye tunnelen.

NB! Rv. 5 vert stengd i Kjøsnesfjorden frå kl. 1045 til 1215.