Anleggsstart for 14 nye vegprosjekt

I tillegg vil det neste år bli sett i gang anleggsarbeid på ei rekkje mindre prosjekt, både på stamvegnettet og på såkalla "øvrige riksvegar".

- Desse nye vegprosjekta gir auka trafikktryggleik og betre framkome for folk og næringsliv, og er difor viktig for utviklinga i distrikta. Regjeringa satsar mykje på kollektivtransport i storbyområda, og saman med oppstart av nye vegprosjekt gir dette eit betre transporttilbod for heile landet, seier samferdselsminister Liv Signe Navarsete.

Regjeringa går inn for å setje i gang desse nye større vegprosjekta i 2009, alle med eit kostnadsoverslag over 100 millionar kroner:

Stamvegnettet:

• E6 Øyer - Tretten, Øyer kommune i Oppland

• E39 Vigeland - Osestad, Lindesnes kommune i Vest-Agder

• E39 Vågsbotn - Hylkje, Bergen kommune i Hordaland

• E39 Torvund - Teigen, Høyanger kommune i Sogn og Fjordane

• Rv 70 Brunneset - Øygarden, Tingvoll kommune i Møre og Romsdal (vedteke delvis bompengefinansiert)

• E6 Majavatn, Grane kommune i Nordland

For såkalla "øvrig riksvegnett", det vil seie riksvegar utanom stamvegnettet, er det for neste år lagt opp til anleggsstart på desse nye, større vegprosjekta:

• Rv 47 T-forbindelsen, Haugesund, Karmøy og Tysvær kommunar i Rogaland (med føresetnad om tilslutning til delvis bompengefinansiering)

• Rv 510 Solasplitten, Sola kommune i Rogaland (med føresetnad om tilslutning til revidert opplegg for Nord-Jærenpakken)

• Rv 609 Dalsfjordsambandet, Askvoll og Fjaler kommunar i Sogn og Fjordane

• Rv 616 Bremangersambandet (Langesjø - Kolset), Bremanger kommune i Sogn og Fjordane

• Rv 60 Hellesylt - Strekanetunnelen, Stranda kommune i Møre og Romsdal

• Rv 717 Sund - Bradden, Rissa kommune i Sør-Trøndelag

• Rv 78 Toventunnelen med tilknytingar, Vefsn og Leirfjord kommunar i Nordland (med føresetnad om tilslutning til delvis bompengefinansiering)

• Rv 858 Ryaforbindelsen, Tromsø kommune i Troms (med føresetnad om tilslutning til delvis bompengefinansiering).

Med budsjettforslaget for 2009 vil ein ha starta alle større investeringsprosjekt som var planlagt starta i handlingsprogrammet til Statens vegvesen for 2006-2009, med unntak av prosjekt der det manglar planavklaring, med bakgrunn mellom anna i motsegn frå lokale styresmakter.