Økt kontroll av dekk og kjettinger

- Statens vegvesen vil i vinter skjerpe kontrollen av tunge kjøretøy når det gjelder dekkutrusting og bruk av kjettinger, skriver samferdselsdepartementet i en pressemelding.

Hele pressemeldingen:

Tunge køyretøy: Auka kontroll av dekkutrusting og bruk av kjettingar - Statens vegvesen vil i vinter skjerpe kontrollen av tunge køyretøy når det gjeld dekkutrusting og bruk av kjettingar. Ein slik auka innsats er innarbeidd i regjeringa sitt framlegg til budsjett for 2003. Kontrollane har som mål å gjere vintertrafikken på vegane enda tryggare. Det er viktig å hindre at både norske og utanlandske bilar køyrer med trafikkfarleg dekkutrusting. Kontrollane er også nødvendige for å få sjåførane til å ta med og bruke kjettingar når dei skal køyre på strekningar der ein kan rekne med snø og is og dermed glatte vegar, seier samferdselsminister Torild Skogsholm. Denne kontrollen av dekkutrusting og bruk av kjettingar inngår som ein del av dei kontrollane som Statens vegvesen gjennomfører når det gjeld tunge køyretøy. Slike kontrollar omfattar elles mellom anna kontroll av lys og bremser og andre forhold ved den tekniske tilstanden til køyretøy og utrusting. For 2003 er det lagt opp til at Statens vegvesen skal gjennomføre i alt 300 000 kontrollar av tunge køyretøy, mot 280 000 kontrollar i 2002. I 2001 blei det til samanlikning gjennomført 220 000 kontrollar av dette slaget, seier samferdselsministeren. Donna Diesel er i gang I tillegg til kontrollane på vegane har Statens vegvesen sett i verk fleire informasjonstiltak overfor trafikken med tunge køyretøy. Kampanjen Donna Diesel er eit av informasjonstiltaka. Denne kampanjen rettar seg mot utanlandsk tungtransport, og målet er nå fram til utanlandske sjåførar, transportselskap og speditørar med opplysning om forhold og reglar som gjeld vintertrafikk på norske vegar. Statens vegvesen vil leggje særleg vekt på å få fram slik informasjon til målgrupper i Russland, Estland, Lativa, Lituauen, Polen, Ungarn, Tsjekkia og Romania.