Auke i skatteinngangen første halvår

Publisert: 20.07.2007 00:29. Sist endret: 27.11.2013 19:44.

I dei seks første månadene av 2007 vart det til saman innbetalt 336 milliardar kroner i skatt. Dette er 34 milliardar, eller 11,4 prosent, meir enn i same periode i 2006.

Til kommuneforvaltninga totalt vart det betalt inn 59,1 milliardar. Dette er ein auke på 4,3 prosent i forhold til same periode i fjor. Av dette beløpet vart det betalt inn 49,1 milliardar kroner til primærkommunane, ein auke på 4,5 prosent, medan fylka fekk ein skatteauke på 3,4 prosent, til 10,1 milliardar. Folketrygda hadde ei samla skatteinnbetaling på 87,9 milliardar, 7,1 prosent meir enn i same periode i fjor.

Skatteinntektene frå petroleumssektoren utgjorde 95,3 milliardar. Desse vart i hovudsak innbetalte i april.

 

Nøkkelord:

,