Løyve til å bygge Råssåfoss kraftverk

Publisert 12.04.2007 09:15

NVE gjev Råssåfoss Kraft AS løyve til å bygge Råssåfoss kraftverk i Surnadal kommune, Møre og Romsdal. Kraftverket vil gje straum til rundt 1000 husstandar.

Kraftverket vil nytte eit fall på omlag 410 meter over ei strekke på ca. 2100 meter. Dette gjev ein årleg produksjon på rundt 20 GWh. Utbygginga vil redusere vassføringa i Råssåa. Av omsyn til landskapsopplevinga og det biologiske livet i elva er det fastsett ei minstevassføring i Råssåa på 200 liter i sekundet i perioden 1. mai.- 30. september. Resten av året skal det sleppast 80 liter i sekundet. NVE meiner at fordelane ved utbygginga er større enn ulempene for allmenne og private interesser.