Mindre vatn i magasina

Publisert 27.12.2006 16:30

Ved utgangen av veke 51 var fyllingsgraden i norske magasin 67,3 prosent. Gjennom veka minka fyllingsgraden med 0,5 prosentpoeng, mot ein auke på 0,6 prosentpoeng veka før, melder NVE.

Medianverdien for fyllingsgraden på tilsvarande tidspunkt for åra 1990-2005 var 74,0 prosent. Høgast magasinfylling hadde Sørøst-Noreg (område 1) med 70,5 prosent, mens Midt- og Nord-Noreg (område 3) hadde lågast fylling med 63,7 prosent. Vest-Noreg (område 2) hadde ein fyllingsgrad på 66,5 prosent.