Høgskuleutdanninga i Førde samlet

Høgskulen i Sogn og Fjordane er nå lokalisert saman i eitt bygg. Tidlegare har høgskuleutdanninga i Førde vært splitta i to bygg, ingeniørutdanninga på Øyrane og helsefaga på Vie Nybygget omfattar to bygningar og ei samanbindande gate som òg knyter kontaktar til den gamle bygningen. Nybygget inneheld to auditorium, eit med 104 og eit med 80 plassar og fleire mindre rom til undervisning. I tillegg kjem spesialrom som sjukepleiarlaboratorium, datalaboratorium og kjemi- og fysikklaboratorium. Læringssenteret ligg nær hovudinngangen tett knytt til gata, som er hovudferdselsåra og den sosiale møteplassen på skulen. I læringssenteret er det bibliotek med kontorfunksjonar og dataarbeidsplassar og ei rekkje grupperom i ulik storleik. Administrasjonen har fått nye lokal i andre etasje med cellekontor, nokre teamkontor og fellesareal. Prosjektering av tilbygget starta hausten 2002. Byggearbeidet ble ferdig sommaren 2005 og tilsette og studentar kunne ta lokala i bruk ved semesterstart august 2005. Tilbygget er teikna av Link arkitekter AS. Byggearbeidet er gjennomført med seks byggherrestyrte entreprisar. Hausten 2005 vart det satt i gang rehabilitering av det gamle høgskulebygget, med mellom anna nytt ventilasjonsanlegg, nytt varmeanlegg og modernisering av det elektriske anlegget. Det rehabiliterte lokalet kunne takast i bruk i januar 2006. Prosjektkostnaden for tilbygget på 3 603 kvadratmeter er 78 millionar kroner. Kostnadene for rehabilitering av det gamle høgskulebygget på 1750 kvadratmeter er 15,5 millionar kroner.