Søfteland opnar Bremanger-sambandet

12. juli klipper vegdirektør Olav Søfteland snora til det nye Bremanger-sambandet. Totalt har prosjektet kosta 325 millionar, skriv Firda.

Det blir vegdirektøren sjølv som får æra av å føreta den offisiselle opninga av det første byggjesteget på Bremangersambandet. Strekninga Kolset - Klubben har ei lengd på 8070 meter. Av dette er 2427 meter tunnel, og 1890 av desse er undersjøiske. Sjølve snorklippa på riksveg 616 skal skje på Kolset ved Rugusundbrua, og etter markeringa blir det lunsj på Knutholmen i Kalvåg. I tillegg til Søfteland skal ordførar Einar Kjerpeseth delta, og vegsjef Lars Lefdal skal orientere om prosjektet.