Bertelsen & Garpestad AS gjer jobben for Statens vegvesen. Strekninga det er snakk om er rundt 500 meter.
Ein skal utvide vegen for å gjere framkomsten for bussar enklare, bygge nytt fortau og nye lys blir montert.
- Det blir langt betre for kollektivtrafikken og mjuke trafikantar. Vi har allereie fjerna større tre i midtrabatten, og set opp gjerde som sikrar dei mjuke trafikantane, seier byggeleiar Raymond Ur Helland i Statens vegvesen til vegvesen.no.
Statens vegvesen samarbeidar med Randaberg kommune, som skal legge ny vassleidning og lage nytt overvass-system. Lyse nyttar høvet til å legge høgspentkabel og fiberkabel.
Mjuke trafikantar kan gå og sykle gjennom Goaveien som vanleg. For andre trafikantar blir det omkøyring via Kvernevikveien og Varheiveien.
Alt skal vere ferdig i løpet av oktober.
- Nøkkelord
- Anlegg
- Statens vegvesen