Firma | Norconsult |
Fylke | Sogn og Fjordane |
Sted | Førde, Sogndal, Årdalstangen |
Søknadsfrist | 30.11.2018 |
På landsbasis har Norconsult det største rådgjevarmiljøet innan vatn- og avløpsteknikk, med over 250 medarbeidarar.
Norconsult i Sogn og Fjordane har kontor i Førde, Sogndal og Årdal. Vi utfører tenester innan samfunns- og arealplanlegging, veg- og trafikk, landskapsarkitektur, VA, elektro, VVS, landmåling, geoteknikk, industri/maskin, konstruksjon, bygg- og anlegg og prosjektadministrasjon. Vi har i dag over 50 medarbeidarar i Sogn og Fjordane, der 6 medarbeidarar i dag utgjer eit sterkt og kompetent fagmiljø innan vatn- og avløpsteknikk.
Hjå oss møter du engasjerte kollegaer, frå unge nyutdanna til erfarne seniorar med brei kompetanse og stort nettverk i bransjen.
Innanfor vatn- og avløpsteknikk har vi store og små oppdrag for både offentlege og private byggherrar. Vi arbeider i alle prosjektfasar – frå tidleg planleggingsfase til detaljprosjektering og oppfølging i byggje- og anleggsfasen. Oppdraga omfattar alle typar vassforsynings-, avløps- og overvassanlegg.
Vi søkjer etter motivert og dyktig ingeniør/sivilingeniør innan VA- teknikk, gjerne frå rådgjevarbransjen. Ønskjeleg med noko erfaring frå prosjektering av VA-anlegg.
Er du vår nye medarbeidar?
Dine arbeidsoppgåver vil vere:
- Planlegging og prosjektering av vatn- og avløpsanlegg i alle prosjektfasar
- Utarbeiding av konkurransegrunnlag og kostnadsoverslag
- Bruk av DAK/BIM-verktøy, visualiserings- og innsynsmodellar
- Tverrfagleg koordinering
- Oppdragsleiing i einfaglege og tverrfaglege oppdrag
- Oppfølging på byggeplass
- Kundeoppfølging, marknadsføring og sal/tilbodsarbeid
For oss er det viktig at du:
- Har eit fagleg engasjement
- Er kreativ, løysingsorientert og ønskjer fagleg utvikling
- Tek initiativ, er målretta og resultatorientert
- Er fleksibel og ansvarsbevisst
- Er sjølvstendig, men likar å arbeide med menneske og fungerer godt i team – ein god relasjonsbyggjar
- Er flink til å formulere deg munnleg og skriftleg på norsk
- Har erfaring med 3D-modellering og BIM
Hjå oss får du:
- Spennande kompetansehevings- og karrieremogelegheiter innan marknad, fag, linje og oppdrag
- Verdibasert samfunnsplanlegging med fokus på framtidsretta og berekraftige løysingar
- Sterk bedriftskultur og godt arbeidsmiljø prega av uformelle kommunikasjonslinjer på tvers av organisasjon og geografi
- Eige fora for yngre medarbeidarar med direkte tilgang til toppleiinga i konsernet (Yngres Råd)
- Ordning for deling av overskotet der alle tilsette får direkte utbytte av resultatet i selskapet
- Eigarskap i Norges største tverrfaglege rådgjevarbedrift
- Gode løns- og arbeidsvilkår
- Fleksibel arbeidstid
- Studieturar, interne fagsamlingar/fagnettverk, ulike sosiale arrangement, bedriftshytter mv
Vi gjer merksam på at det berre er elektroniske søknadar som vil bli handsama.
Kontaktperson
Tone K. Myklebust Kvåle
Kontorleiar
Tlf. +47 95807509 Send e-post
Vis flere stillinger:
- Alle
- Søk etter Norconsult, Førde, Sogndal, Årdalstangen
- Fylke Sogn og Fjordane