F.v. salsdir. Tor-Ove Lussand i ABB AS, regionvegsjef Helge Eidsnes i Statens vegvesen og styremedlem Magnus Thunestvedt signerer kontrakten. Foto: Geir Brekke/Statens vegvesen

Statens vegvesens største elektro-avtale nokonsinne signert

Publisert 06.09.2018 16:50

Torsdag blei den største elektro-kontrakten i Statens vegvesen inngått i Bergen. Det er ein entreprise på 382 millionar kroner, og skal utførast av arbeidsfellesskapet Magnus M.Thunestvedt AS og ABB AS.

Byggeindustrien

Oppdraget gjeld bygging av alle elektrotekniske anlegg, styring, regulering og overvaking for heile E39 Svegatjørn–Rådal.

Bergen og Asker
Arbeidet skal utførast av arbeidsfellesskapet Magnus M.Thunestvedt AS i Bergen og ABB AS i Asker.

Det har vore ein grundig prosess før ein kom fram til signering av kontrakt. Tilbodsopninga var for eitt år sidan. Sidan har saka vore oppe to gongar i Oslo byfogdombod, før Statens vegvesen nyleg vann fram i retten, og kunne signere kontrakt torsdag.

Over 400 kamera
Kontrakten inneheld ikkje mindre enn 125 kilometer med el-kablar, 100 kilometer med fiber-nett, 5.330 lysarmaturar og 1.150 ledelys i tunnel. Dessutan blir det 550 opplyste skilt, over 400 kamera, 260 naudtelefonar og over 100 ventilasjonsvifter.

Arbeidet vil venteleg ta til i Skogafjellstunnelen i Os, der entreprenøren er komen lengst med innreiinga av dei to tunneløpa.