Framleis kampsak Dei omfattande planane om vindmøller i Møre og Romsdal blir garantert ei kampsak også i 2006. Frå før fins det vel 70 vindmøller i fylket, men det er berre blåbær mot planane som no er komne på bordet. Fem selskap vil byggje 451 vindmøller i fylket. Havgul åleine står altså for 334 av dei. Det er Noregs Vassdrags- og Energidirektorat som tek imot søknadene, og som seier ja eller nei i første omgang. Seksjonsleiar Arne Olsen seier det er for tidleg å seie kor mange av prosjekta som blir godkjende. Vil ikkje legge på is Planane om vindmøller til havs og til lands i Møre og Romsdal er omstridde. I Fræna var innbyggjarane og kommunen så skeptiske til Havgul-prosjektet utanfor kysten, at planane der blei skrinlagde. Dagleg leiar Harald Dirdal i Havgul seier det er uaktuelt å leggje resten av planane på is. Han håper at vindmøllene står ferdige i havet utanfor kysten om få år.
- Nøkkelord
- Import